Bible Topical Concordence (cont 3)

15.                                                                                          VANTIRHKOH :

                Vantirhkohte (Pathian thu keng tute), chungchang sawina –

* LALPA Vantirhkoh - Tin, LALPA vantirhkoh chuan a hnenah, "I pi hnenah kir leh la, a thu thuin awm rawh," a ti a.  (Genesis 16:9)

- Tin, LALPA vantirhkoh  vek chuan a hnenah, "Ngai teh, nau i pai ta a, fapa i hring ang a; LALPA chuan i hreawmzia hi a hriat tak avang hian a hmingah chuan Ismaela i sa tur a ni. (Genesis 16:11)

- Amah tihtute chu, an velah LALPA vantirhkoh chuan a awm chilh a, A chhanhim thin.(Sam 34:7) 

* Pathian vantirhkoh - Tin, Pathian vantirhkoh, Israela mite hma hruai thin kha an hnung lamah a insawn ta a; tin, chhum ding kha an hma lam ata a insawn a, an hnung lamah a ding ta a: (Exodus 14:19)

- Chutichuan i bawihnu tan hian, LALPA ka pu thu chu thlamuan tak ni sela: achhia a tha lo thlei turin LALPA ka pu chu Pathian vantirhkoh ang mai ani si a: tin, LALPA Pathian chu i hnenah awm rawh se ka ti a ni," a ti a. (II Samuela 14:17)

*Vantirhkoh  - Ngai teh, kawnga veng zel tur che leh hmun ka buatsaihah chuan hruai lut tur chein i hmaah vantirhkoh ka rawn tir dawn e. (Exodus 23:20)

 - Vantirhkoh mi betu hnenah chuan, Heng hi eng nge ni? Ka ti a. Tin, ani chuan, heng hi Juda te, Israel te, Jerusalem te tidarhtu ki an nih hi, tiin mi chhang a. (Zakaria 1:19)

- Vantirhkoh, chakna leh thiltihtheihna nei zawkte mahin Lalpa hmaah chuan an chung thu relsakin an sawichhiat si loh kha. (II Petera 2:11)

* Pathian fapate - Tin, Pathian fapate LALPA hmaa an inlan ni a lo awm a, Setana pawh an zingah a lo tel ve a. (Joba 1:6)

- Pathian fapate LALPA hmaa na inlan ni a lo awm leh a, Setana pawh LALPA hmaa inlan turin an zingah a l (kal ve a. Joba 2:1)

- Varparh arsite an zai khawm a,

Pathian fate zawng zawng an au lai khan? (Joba 38:7)

* Vengtu - Ka khum laizawla ka lu-a inlarnaah chuan ka han en a, ngaiteh, van atangin vengtu, mi thianghlim chu a lo chhuk a, (Daniela 4:13)

- Tin, van atanga vengtu mithianghlim lo chhuka, Thing chu kit la, tiboral rawh; amaherawhchu ram hlobet to zingah, leia bulbawr chu thir leh dara tawnin zuah la; tin, van daiin huh sela, a chan tur chu ramsate nena awm ni rawh se, a chunga hun sarih a ral thlengin, rawn ti lalin a hmu a; (Daniela 4:23)

* Vana vantirhkohte - “Nimahsela, chu mi ni leh a hun thu chu Pa chauh lo chuan tuman, vana vantirhkohte pawhin, Fapa pawhin an hre lo. (Matthaia 24:36)

- Mitthi zing ata an thawhlehin nupui pasal an innei dawn tawh lo va, vana vantirhkohte ang an ni dawn tawh zawk a ni. (Marka 12:25)

* Thlaraute - Anni zawng zawng chu rawngbawlna thlaraute, chhandamna rochungtu turte tan rawngbawl tura tirh chhuah an ni lo vem ni? (Hebrai 1:14)

 * Vantirhkoh te chu biak leh chibai buk tur an ni lo -

- Tin, LALPA vantirhkoh chuan Manoa hnenah, "Min chelh mah la, i chaw zawng ka ei lovang: tin, halral thilhlan tura buatsaih i nih chuan LALPA hnenah i hlan tur a ni," a ti a. Manoa chuan ani chu LALPA vantirhkoh ani tih a hre si lo va. (Roreltute 13:16)

- Inlarna danglam bik hmua insawi a, khawvel rilru tak pu si a, engmah ni si lova intiveiho, taksa hi ngaihnep tur, vantirhkohte pawh biak tur tite chuan thiam loh chantir che u suh se. Chung hote chuan Lu, Krista chu an vuan tawh lo a ni. (Kolossa 2:18)

- Tichuan, Pathian chibai buka buk turin a ke bulah ka bawkkhup a. Tin, ani chuan ka hnenah, “Heti chuan ti suh khai; kei chu nangmah leh i unau, Isua hriattirna thu pawmte bawihpui ka ni alawm; Pathian chibai buk zawk rawh; Isua hriattirna thu chu thu hrilhna thlarau a ni si a,” a ti a. (Thu Puan 19:10)

- Tin, kei Johana, heng thil zawng zawng hmutu leh hretu chu ka ni. Tin, ka hriata ka hmuh chuan, heng thil mi entirtu vantirhkoh ke bulah Pathian chibai buka buk turin ka bawkkhup a. Tin, ani chuan ka hnenah, “Heti chuan ti suh khai; kei chu nangmah leh i unau zawlneite leh, he lehkhabu thu pawmtute bawihpui ka ni alawm. Pathian chibai buk zawk rawh,” a ti a. (Thu Puan 22:9-10)

Biblea Vantirhkoh hming kan hmuh leh an sawina tawngkam te –

* Gabriela -

- A ni, tawngtaia ka tawng lai ngei chuan, mi Gabriela, atira inlarnaa ka hmuh khan, tlai lam thilhlan hun lai angah hian chak taka thlawkin mi rawn pan a. (Daniela 9:21)

- Tin, vantirhkoh chuan a chhang a, a hnenah, “Gabriela, Pathian hmaa ding thin ka ni a;     a be tur che leh, chung thu tha chu hrilh tur chein rawn tirh ka ni. (Luka 1:19)

- Tin, a thla ruknaah chuan Pathianin vantirhkoh Gabriela chu Galili rama khaw pakhat         Nazaret an tihah chuan, nula thianghlim pakhat hnenah a tir a, (Luka 1:26)

* Mikaela -

_- Mahse Persia ram hotu chuan ni sawmhnih leh nikhat mi dodal a; amaherawhchu, ngai teh, Mikaela, hotu lian chu min pui turin a lo kal a; tichuan Persia lal hnenah chuan ka han awm ta a. (Daniela 10:13)

- Mahse thudik ziaknaa ziak chu ka hrilh ang che: hengah hian, in hotu Mikaela chauh lo chu, tumah mi tan tur an awm lo ve. (Daniela 10:21)

- Tin, chumi hunah chuan i mipui fate tan thintu, hotu ropui tak Mikaela chu a ding ang a; tin, buaina hun, hnam awmtirh ata chumi hun thleng pawha la awm ngai lo chu, a lo awm ang: tin, chu mi hunah chuan i mite chu chhanchhuah in an awm ang a, mi tin lehkhabua hming chuang apiang te chu. (Daniela 12:1)

 - Nimahsela, Mikaela, vantirhkoh chungnung ber mah khan diabola nen an inbei a, Mosia ruang thua an inhnial laiin diabola chung thu relsakin a sawichhe ngm lo va, "Lalpan hau zawk che rawh se," a ti ta zawk a. (Juda 1:9)

 - Tin, vanah chuan indona a lo awm a; Mikaela leh a vantirhkohte chuan drakon chu an do va; drakon leh a tirhkohte pawh chuan an do ve a; (Thu Puan 12:7)

* Seraf –

-  A kiangah chuan serafte an ding a: thla paruk an nei theuh va, an thla pahnihin an hmai an khuh a, pahnihin an kephahte an khuh a, pahnihin an thlawk a.( Isaia 6:2)

- Chutichuan seraf pakhat, maicham ata chaicheha a cheh, mieling kengin ka hnenah a thlawk a, (Isaia 6:6)

               

                * Cherub -

               

- Chutichuan mihring chu a hnawt chhuak ta a; tin, nunna  thing kawng chu veng turin Eden huan chhak lampangah chuan Cherub-te leh mei khandaih vir tawn zawk zawk chu a awmtir ta bawk a. (Genesis 3:24)

- LALPA chu lalah a thu a; mi tin, chu khur rawh se: Ani chu cherubte chungah athu a; lei hi nghing rawh se. (Sam 99:1)            

- LALPA chu lalah a thu a; mi tin, chu khur rawh se: Ani chu cherubte chungah athu a; lei hi nghing rawh se. (Sam 99:1)

- Tin, cherub-ho thlazap ri te chu hung chhung pawnta zawkah te pawh chuan Pathian engkimtitheian mi a biak laia a aw ang maiin a hriat a. (Ezekiela 10:5)

Vantirhkoh pasarih te :-

-          Pathian bula cheng, engtiklai pawha inring reng awm vantirhkoh pasarihte hmingah hengte hi an sa –

-          Uriel – Pathian mei alh.

-          Raphael – Pathian tihdam.

-          Raguel – Pathian thian.

-          Mikael – Pathian ang.

-          Seriel – Pathian mi lian.

-          Gabriel – Pathian chu ka chakna a ni.

-          Remiel – Pathian khawpui ri.

Vantirhkohte hnathawh –

                * Pathian fak leh chibaibuk -

- Tin, A Fa tira chu khawvela a tirh dawn lai khan heti hian a ti bawk; “Pathian vantirhkohte zawng zawng pawhin, Amah chibai buk rawh se,” (Hebrai 1:6)

- Tin, ka han en a; tin, lalthutphah leh Thilnungte leh upate velah chuan vantirhkoh tam tak aw ka hria a; an tam lam chu a singa sing hmun sing tam tak leh, a sanga sang hmun sang tam tak an ni; chungte chuan aw ring takin,

“Beram No talh tawha hi, Thiltihtheihna te, hausakna te, finna te, Chakna te, chawimawina te, ropuina te, Malsawmna te hmu tlak a ni e,” an ti a. (Thu Puan 5:11-12)

* Palai hna –

- A nih loh leh, engtiziaa Dan chu awm nge ni le? Bawhchhiatna hi sual a nih tilang fiah tura thutiam belhchhahna a ni a, Thutiamin Chi Thlah a tih lo kal hmaa hman tur, vantirhkohte hmanga palai kuta pek a ni. (Galatia 3:19)

                - Dan, vantirhkohte pek chhawn kha, hmu zeta zawm si lote u!” a ti a. (Tirhkohte 7:53)

* Ringtute tanpui –

- Tin, ngai teh, Lalpa vantirhkoh pakhat a kiangah a lo ding a, ripah chuan eng eng emaw a lo eng a; tin, Petera nakah a beng harh a, “Tho thuai rawh,” a ti a. Tin, a khaidiatte chu a kut ata a tla ta a. (Tirhkohte 12:7)

- Amah tihtute chu, an velah LALPA vantirhkoh chuan a awm chilh a, A chhanhim thin.(Sam 34:7) 

- I kawng tinrenga humhim tur chein, I chung thu-ah zawng vantirhkohte chu thu a pe dawn si a. (Sam 91:11I)

* Pathian rorelna hlen –

- Tin, vantirhkohvin tichhe tura Jerusalemlama a kut a han lek chuan LALPAN thil tha lo tih a tum chu alamlet a, mite tiboraltu vantirhkoh hnenah chuan, "A tawk tawh e; i kut lek tawh suh," a ti a. Tin, LALPA vantirhkoh chu Jebus mi Arauna hrui bulah chuan a awm a. (II Samuela 24:16)

- Tichuan  chu mi zan chuan heti hi a ni a, LALPA vantirhkoh chu a tahwk chuak a, Assuria-ho ruahhmuna chuan mi nuai khat leh singriat leh sangnga a tihlum a: tin, zing taka an han thawh chuan, ngai teh, mitthi ruang hlir a lo ni ta mai a. (II Lalte 19:35)

- Tin, pindan chhungnung atang chuan aw ring takin, vantirhkoh pasarihte hnenah chuan, “Kal ula, Pathian thinurna berhbute chu leiah leih baw rawh u,” a tih ka hria a. (Thu Puan 16:1)

* Isua rualin an lo kal leh dawn –

- Mihring Fapa hian a vantirhkohte chu a tir chhuak ang a, a ram ata tihsualtirtute leh thil tisualtute zawng zawng chu an thiar chhuak ang a, (Matthaia 13:41)

- Khawvel tawp hunah chuan chutiang bawkin a awm ang; vantirhkohte chu an lo chhuak ang a, mi fel zing ata mi sualte chu an hlir ang a, (Matthaia 13:49)

- Mihring Fapa hi a vantirhkohte nen, a Pa ropuinaa inthuamin a lo kal dawn si a; chu mi hunah chuan mi tin an thiltih ang zelin a rul theuh vang. (Matthaia 16:27)

- Tin, a vantirhkohte chu, tawtawrawt ri nasa tak nen a tir chhuak ang. Anni chuan a thlante chu kawl kil li ata – van tawp atanga a tawp lehlam thlengin – a lawr khawm ang. (Matthaia 24:31)

-  “Amaherawhchu, Mihring Fapa hi chu, a vantirhkohte zawng zawng nen, a ropuinaa inthuama a lo kal hunah chuan, a ropuina thutphahah a thu ang a; (Matthaia 25:31)

- Tupawh tun lai chuan uire leh thil tihsual hmangte zinga keimah leh ka thu zahpui apiang, Mihring Fapa hian, vantirhkoh thianghlimte nena a Pa ropuinaa inthuama a lo kal hunah chuan, chu mi chu a rawn zahpui ve thung ang,” a ti a. (Marka 8:38)

- Lalpa ngei chu au thawm nen, vantirhkoh chungnung ber aw nen, Pathian tawtawrawt ri nen, van atangin a lo chhuk dawn si a; tin, Kristaa thi tawhte chu an tho hmasa ang a; (I Thessalonika 4:16)

- Lalpa Isua Pathian hre lo mi leh kan Lalpa Isua Chanchin Tha awih lo mite chunga phuba lain a vantirhkoh chak takte nen, meialh zinga van atanga inlar hunah a tihrehawmtute che u chu hrehawmna thungrulh leh nangni hrehawm tuartute hi keimahni nena chawlhnaa rulh thung chu Pathian tan thil fel tak a ni si a. (II Thessalonika 1:6-8)

                * Isua chungchanga thuchah ropui an puang -

                - Ngai rawh, i rai ang a, fapa i hring ang a, a hmingah chuan Isua i sa tur a ni. (Luka 1:31)

- Tin, vantirhkoh chuan an hnenah, “Hlau suh ulang, ngai rawh u, mi tin ta tur chanchin tha lawmawm em em ka rawn thlen che u a ni. (Luka 2:10)

 - A ruang hmu si lovin, ‘Pathian vantirhkohte inlar kan hmu a, chu mite chuan a nung leh tih             an sawi e,’ an rawn ti a. (Luka 24:23)

- Chu mite chuan, “Galili rama mite u, engati nge van lam ena in din reng? He Isua in hnen ata vana hruai chhohva a awm hi, vana a chho in hmu ang bawk hian amah ngei hi a lo kal leh ang,” an ti a. (Tirhkohte 1:11)

                Vantirhkoh inlar chhuahna mi thenkhatte –

- Lota - Tin, vantirhkoh pahnih chu tlai lamah Sodom khua an zuk thleng a; Lota chu Sodom khaw kulh kawngkharah chuan a lo thu a: tin, Lotan anmahni a lo hmu a, lawm turin a ding ta a; tin, a hmaia lei siin chibai a buk a; (Genesis 19:1)

- Hagari - Tin, Pathianin naupang aw chu a hria a; tin, Pathian vantirhkohvin van atangin Hagari chu a zuk au va, a hnenah, "Hagar, eng i ti nge ni le? Hlau suh; a awmnaa naupang aw kha Pathianin a hria asin. (Genesis 21:17)

- Abrahama - Tin, LALPA vantirhkoh chuan van atangin amah chu a zuk au va, "Abrahama, Abrahama," a zuk ti a: tin, ani chuan, "Heta hi ka awm," a ti a. (Genesis 22:11)

- Jakoba -               Tin, ka mumangah chuan Pathian vantirhkohvin, 'Jakob' mi lo ti a: tin, keiin "Heta hi ka awm,' ka ti a. (Genesis 31:11)

- Mosia - Tin, hnim bukah LALPA  vantirhkoh, meialhin a hnenah a rawn inlar a: tin, a han en a, tin, ngai teh, hnim buk chu meiin a kang a, a hnim buka erawh chu a kang ral si lo. (Exodus 3:2)

- Josua - Tin, LALPA vanrirhkoh Gilgal khua atangin Bokim khuaah a han chho va, tin, ani chuan, "Aigupta ram ata kha ka chhuahtir che u a, in thlahtute hnena chhehchhama ka lo tiam tak ramah khan ka hruai lut che u a, 'In hnena thu ka thlun kha ka bawhchhe tawp lo vang. (Roreltute 2:1)

- Gideona - Tin, LALPA vantirhkoh chu a hnenah a rawn inlar a, a hnenah, "Nang mi chak huaisen, LALPA hchu I hnenah a awm e," a ti a. (Roreltute 6:12)

- Davida -               Tin, Davidan mi tihlumtu vantirhkoh a hmuh chuan LALPA a bia a, "Ngai teh, ka lo sual ta a, dil lo takin thil ka lo ti ta a ni: mahse, heng beramte hian eng thil nge an tih? I kut chuan keimah leh ka pa chhungte mi khawih zawk rawh se aw," a ti a. (II Samuela 24:17)

- Elija - Tichuan Juniper thing hnuaiah chuan a mu a, a muhil ta a; tin, ngai te, vantirhkoh hian a rawn khawih a, a hnenah, "Tho la, ei rawh," a ti a. (I Lalte 19:5)

- Daniela -  Ka pathian chuan a vantirhkoh a rawn tir a, sakeibaknei ka te a tichip a, engmah mi tina lo ve,” a ti a. (Daniela 6:20)

- Zakaria - Chutichuan vantirhkoh mi betu chuan ka hnenah, Heti hian va au rawh, a ti a:  Sipaihote LALPA chuan heti hian a ti a ni:  Jerusalem leh Zion hi vei tak meuh vin ka vei a. (Zakaria 1:14)

                - Mari - Tin, vantirhkoh chu a hnenah a lut a, “Chibai, Vohbik! Lalpa i hnenah a awm,” a ti a (Luka 1:28)

- Josefa - Nimahsela, Chung thu chu a ngaihtuah laiin ngai teh, a mangah Lalpa vantirhkoh a hnenah a lo inlar a, “Josef, nang Davida fapa, i nupui hual Mari chu neih hlau suh; a  naupai chu Thlarau Thianghlim laka mi a ni asin.  Fapa a hring anga a hmingah ISUA  i sa ang: ani chuan a mite an thil tihsual lakah a chhandam dawn si a,” a ti a. (Matthaia 1:20)

- Isua - Chu mi hnuah chuan diabola chuan a kalsan ta a. Tin, ngai teh, vantirhkohten a rawng an rawn bawlsak ta a. (Matthaia 4:11)

= Tin, van atangin vantirhkoh pakhat a tiharh turin a hnenah a rawn inlar a. (Luka 22:43)

- Beram vengtute - Tin, Lalpa vantirhkoh pakhat an kiangah a lo ding a, Lalpa ropuinain an vel chu a rawn chhun eng a; tichuan an hlau ta em em a. (Luka 2:9) 

- Tirhkohte - Nimahsela zanah Lalpa vantirhkoh pakhatin kawngkharte chu a rawn hawng a, a hruai chhuak a, (Tirhkohte 5:19)

- Philipa - Tin, Lalpa vantirhkoh pakhatin Philipa chu a bia a, “Tho la, chhim lama Jerusalem khua atanga Gaza khaw zuk chhun kawngah khan kal rawh; chu mi kawng chu thlalerah a kal tlang a ni,” a ti a. (Tirhkohte 8:26)

- Kornelia - Chu mi chuan behliang mun hun lai velah mumang angin fiah takin Pathian vantirhkoh pakhat a hnenah luta, “Korneli,” tiin a hmu a. (Tirhkohte 10:3)

- Petera - Tin, ngai teh, Lalpa vantirhkoh pakhat a kiangah a lo ding a, ripah chuan eng eng emaw a lo eng a; tin, Petera nakah a beng harh a, “Tho thuai rawh,” a ti a. Tin, a khaidiatte chu a kut ata a tla ta a. (Tirhkohte 12:7) 

- Paula - A ta ka ni a, a rawng ka bawl thin Pathian kha, chu mi vantirhkoh pakhat nizan khan ka kiangah a lo ding a, ka hnenah, ‘Paula, hlau suh, Kaisara hmaah i ding tur a ni; tin, ngai rawh, lawnga i hnena kal zawng zawngte pawh hi Pathianin a pe a che,’ mi ti a ni. (Tirhkohte 27:23-24)

16.                                                                                          RAMHUAI :

Ramhuaite chungchang Biblea kan hmuh  –

* Khawvelah hian Isua Krista Thlarau nilo, Thlarau sual leh anmahni rawngbawl saktu engemaw zat an awm.

 > Duh takte u, thlarau nazawng ring suh u, amaherawhchu thlaraute chu Pathian laka mi an ni nge ni lo fiah rawh u; thu hriltu der tam tak khawvelah an lo chhuah tak avangin. (1 Johana 4:1)

* Mihring thi tawh thlarau an ni lo -

> Mihausa kha khawvelah kir leh phalsak a ni lo – Tin, ani chuan a hnenah, ‘ Mosia leh zawlneite thu an ngaih loh chuan mitthi zinga mi tho leh mah sela an awih chuang lo vang,’ a ti a,” a ti a.(Luka 16:31)

                * Tamtak chuan van atanga Vantirkoh paihthlakte  an nih an ring.

> Vantirkoh paihthlakte chu tunah phuarin an awm mek – Tin, vantirhkohte anmahni tirhkoh nihna pawm lova, an awmna pangngai kalsan zawkte chu, ni ropui rorelna thim hnuaiah chatuan phuarnaa phuar chungin a khek a ni. (Juda 0:6)

> Vantirhkohten thil an tihsual lai khan Pathianin a zuah lo va, hremhmunah a paih a, rorelsaka khek turin khuarkhurum thimah a khung zawk si a; (2Petera 2:4)

* Ramhuai lal chu ‘Belzibula’ tih a ni   – Nimahsela, Pharisaiten chu chu an hriat veleh ‘ Hemi hian ramhuai lal Beelzibula avang lo chuan ramhuaite a hnawt chhuak lo vang,’ an ti a.(Mathaia 12 :24) Chiang takin Setana hming pakhat ani tih kan hria..

* Vawk kawchhunga lut turin Isua remtihna an ngai – Tin, ramhuaite chuan, “Min hnawhchhuah chuan vawkrual kawchhungahte sawn min kaltir ang che,” tiin, a hnenah an ngen a. (Mathaia 8:31)

* Ramhuaiten Pathian an hriaa, an hlau bawk – Pathian chu pakhat a ni tih I ring a ni maw ? I ti     tha e; ramhuaite pawhin an ring a, an khur thin asin,” a ti ang. (Jakoba 2:9)

* Thilmak an ti thei – Chung chu ramhuai thlarau, thilmak ti thinte an ni; anni chu Pathian Engkimtitheia ni ropuia indonaa hruai khawm turin khawvel zawng zawnga lalte hnenah an kal a. (Thupuan 16:14)

               

* Mihring leh ran kaw chhungah an lut thei - 

> Tin, ramhuaite chuan, “Min hnawhchhuah chuan vawkrual kawchhungahte sawn min kaltir ang che,” tiin, a hnenah an ngen a. (Mathaia 8:31)

>  Tin, lawng ata a chhuah hnu chuan mi pakhat, ramhuai bawlhhlawh pai, thlan atanga lo chhuakin a rawn tawk ta nghal a. (Marka 5:2)

* An luhchilh mihring hmangin an tawng – Ani chuan, “Nazaret Isu keini leh nang enge kan inzawmna awm? Min tiboral turin ilo kal emni ? Nang kan hria a che, Pathian mithianghlim ini e,”tiin a au chhuak ta nghal a. (Marka 1:24)

> Isuan an tawng a phal lo – Tin, mitam tak nat tinrenga nate chu a tidam a, ramhuai tamtak a hnawt chhuak bawk a; ramhuaite chuan amah chu an hriat avangin an tawng a phal lo. (Marka 1:34)

> ( An ka atangin dawt thu a chhuah a vangin an thusawi kan awih tur a ni lo)  – Nangni zawng in pa diabola hnena chhuak in ni a, in pa duh zawng tih in duh a ni. Ani chu atir ata tualthat a ni, thutakah a awm lo, a chhungah thutak reng reng a awmloh a vangin. Dawt thu a sawiin a ma tihchhuah a sawi a ni thin; dawthei a ni si, dawt pa pawh a ni. (Johana 8:44)

* Thu dik lo an zirtir – Nimahsela nakin hunah chuan mi thenkhatte chu, mi dawtheite vervekna avangin hruaibona thlaraute leh ramhuaite zirtirna thu ngaihsakin rinna chu an la ban san ang tih Thlarau chuan chiang takin a sawi a ni. (1 Timothea 4:1)

* Thenkhat chu ramhuaite hnenah an inthawi – Pathian ni lo, ramhuaite hnenah an inthawi a, (Deuteronomy 32:17a)

 Ramhuai pai nachhan te -

* Dawi leh ai enna – Hinoma fapa ruamah meiah a fate chu a luh tir a; aien te a ching a dawite a hmang a, ramhuai aienthiam zawlte leh dawithiamte a ruai thin a; LALPA ti thinur turin a mithmuha thil thalo a ti thin a. (2 Chronicles 33:6)

* Pathianin a thu awihlo tu Saula hnenah a tir – Tin, LALPA thlarau chuan Saula chu a chhuahsan a, LALPA tirh ramhuaiin a mah a ti buai a. (1Samuel 16:14)

* Thinlung ruakah  – “ Tin, ramhuai bawlhhlawh chu chumi kawchhung ata a chhuahin, chawlhna zawngin tui awm lohna hmunahte a vak a vak a. a hmu thin si lo va. Tin, ‘Ka inah khan ka kir leh mai ang,’ a ti a.; tin, a va thlen chuanin, ruaka,phiahfaia, cheimawiin a hmu a….” (Mathaia 12:43-44)                            

* Ramhuaite hnena inthawi  – Jentailte inthawina chu Pathian lakah ni lovin, ramhuaiho lakah an inthawi thin ani tih ka sawi zawk a ni; nangni zawngin ramhuaiho in tawmpui ka duhsak lo che u asin. (1Korinth 10:21)

* Tisa thiltih luat  – Tin, tisa thiltihte chu a lang fiah a ni ; chung chu heng hi a ni : inngaihna te, bawlhhlawhna te, hurna te, milem biakna te, dawithiamna te, huatna te, inhauna te, thik n ate, thinurna te, inkhinna te, awm hranna te,. Rin hranna te, itsikna te, zu ruihna te, zu hmun hlimna te, chutiangte chu ; chung kawngah chuan tun hma a, ‘ Chutiang thil tih hmangte chuan Pathian ram an chang lo vang,’ tia ka hrilhlawk che u ang khan ka hrilh lawk che u hi. (Galatia 5:19-21)

               

* Vantirhkohte biak – Inlarna danglam bik hmu a in sawi a, khawvel rilru tak pu si a, engm,ah ni si lova intivei ho, taksa hi ngaihnep tur, vantirhkohte pawh biak tur tite chuan thiamloh chanter che u suh se. Chung ho te chuan Lu, Krista chu an vuan tawh lo a ni . (Kolossa2:18)

* Milem biak – Tin, mihring, chung hremnaa tihhlum bang te chuan ramhuaite leh rangkachak milem te,  tangka milem te, dar milem te, lung milem te, thing milem te, engmah hmuthei hlei lo, hre thei hlei lo, kal thei hlei lo te chu an biak tawh loh na turin an kuta thiltih te chu an sim chuang lo. (Thupuan 9:20)

                Ramhuai paite lan chhuah dan

* Midang tihnat an tum – Tin, ral leh lam Gadarin mite ram chu a thlenin, ramhuai man pahnih, thlan atanga lo chhuakin, an rawn tawk a; an kawlh em em a, chutichuan chumi kawngah chuan tumah an kal thei lo va. (Mathaia 8:28)

* An chak em em – Kawlte leh khaidiatte pawhin an phuar fo tawh si a; nimahsela khaidiatte chu a pawt chat a, kawlte pawh chu a tisawm thin a; tumahin an tidawl zo hek lo. (Marka 5:4)

> Tin, ramhuai pai chuan a rawn zuan a, an za chuan a hneh a, a ngam ta zawk a, chutichuan chu mi in ata chu saruak leh inhliamin an tlan chhuak ta hial a. (Tirhkohte 19:16)

* Mahni an innghaisa – A chhun a zanin thlanahte leh tlangahte chuan a au a au thin a, lungte pawhin a inzai fo thin. (Marka 5:5)

* An cher telh telh – A manna apiangah a titlu vak thin a; tichuan, a chilphuante a tla a, a hate a thial a, a cher telh telh thin a; tichuan I zirtirte hi hnawt chhuak turin ka ti a; an thei si lo va,’’ tiin a chhang a. (Marka 9:18)

* An chilphuan a tla a, mumal nei lovin an awm – Tin, amah chu Isua hnenah an rawn hruai a; tin, ramhuai chuan ani chu a hmuh veleh naupang chu nasatakin a sawisa ta nghal a; tichuan leiah a tlu a, chilphuan tla zawih zawihin a tal ta awrh awrh a. (Marka 9:20)

 * Thlan hmun leh mihringte chen lohna ah an kal - Saruakin an awm – Tin, khawmuala a chhuahin, khuaa mi ramhuai man tuin emaw a rawn tawk a; chu mi chu rei tak puan reng sin lovin a awm a, inah reng pawh a awm lo va, thlanahte a awm zawk a. (Luka 8:27)

                * Taksa ah harsatna an tawk -

> Mitdel – Chu mi lai chuan mitdel tawng thei lo ramhuai man pakhat a hnenah an rawn hruai a; tin, a ni chuan a lo tidam a, tichuan tawng thei lo chu a lo tawng thei in, a lo hmu thei ta a. (Mathaia 12:22)

> Rak vak vak – Tin, ramhuai bawlhhlawh chu amah sawisaa ring taka auvin a chhung ata a lo chhuak ta a. (Marka 1:26)

> Tawng theih loh – Tin, mipui zinga mi pakhatin a hnenah, “Zirtirtu, ka fapa, ramhuai tawng theilo pai chu I hnenah ka rawn hruai a…” (Marka 9:17)

> Bengngawng – Tin, Isuan mipui an lo tlan khawm mek a hmuh in, ramhuai bawlhhlawh chu a hau va, a hnenah, “Nang ramhuai tawng theilo leh bangngawng, thu ka pe a che, a chhung ata lo chhuak la, lut leh tawh suh,” a ti a. (Marka 9:25)

>Ngaiteh ramhuaiin a man thin a, a au chhuak thut thin:  tichuan a chilphuante tla khawpin a sawisa thin a, nasa taka tih thitlinin a kal san tawk thin. (Luka 9:29)

* Ramhuai an zawl – Chutichuan Saula chuan a chhiahhlawhte hnenah chuan, “Ramhuai aienthiam zawl hmeichhia a hnena kala ka rawn turin min zawn sak rawh u,” a ti a. (1Samuela 28:7a)

* Ai en an thiam – Tin, tawngtaina hmunah chuan kan kal lain, nula tu emaw ramhuai aienthiam zawlin min tawk a, a ni chuan ai en avangin a pute chu sum tam tak a hmuhtir thin a. (Tirhkohte 16:16)

               

Ramhuai paite hmachhawn -

                ( Bible hian ramhuai paite hmachhawn dan tur felfai tak a tarlang lem lo )

* Isuan zirtirte hnenah an chunga thuneihna ape – Tin, a zirtir sawm leh pahnihte chu a k ova, anmahni hnawhchhuah theihna turin ramhuai bawlhhlawhte chunga thuneihna a pe a; damlohna tinreng leh natna tinreng tihdam theihna turin thuneihna a pa bawk a. (Mathaia 10:1)

* Rinna angai – Chumi hnu ah chuan zirtirte chu ahrangin Isua hnenah an lo kal a, “Engati nge keinin kan hnawh chhuah theihloh an ti a,” Tin, ani chuan an hnenah, “In rin tlem avangin. Tih tak meuhvin ka hrilh a che u, antam mu fangkhat an grin in neih chuan, he tlang hnenah hian, ‘Heta tangin sawtah sawn va insawn rawh,’ in ti ang a, a insawn mai ang; in tan tih theihloh reng engmah a awm lo vang,” a ti a. (Mathaia 17:19-20)

* Isuan chhuak turin thu a pe mai – Tin, Isuan a hau va, “Ngawi la, a chhung ata lo chhuak rawh,” a ti a. (Marka 1:25)

* Harsatna tawktuin Isua a rin ve angai – Tin, mi damlo tlemte chunga kut nghata a tihdam chauh lo chu, chutah chuan thil mak reng a ti thei lo va. An rin loh avangin mak a ti hle a. (Marka6:5-6)

> Tin, Isuan a hnenah, “I theih chuan a maw! Ringtu atan chuan engkim tih theih a ni asin,” a ti a. Tichuan naupang pa chuan, “Ka ring e, ka rinhlelhnaah hian mi pui ang che,” tiin a au chhuak ta nghal a.(Marka9:23-24)

* Tawngtai tur – Tin, ani chuan an hnenah, “Hetiang hi tawngtai chauh lo chuan engtin mah a chhuak thei lo,” a ti a. (Marka9:29)

* Isua hmingin hnawh chhuah tur – Tin, heng chhinchhiahnate hian ringtute a zui zel ang : Ka hmingin ramhuaite an hnawt chhuak ang a, tawng thartein an tawng ang a;….” (Marka 16:17)

* Paula silhfen – Tin, Pathianin Paula kutin thilmak namen a tihtir lo va, chutichuan a taksa ata inhrukna puante emaw, fenthuahte emaw damlote hnenah an rawn keng a, an nate a reh thin a, an kawchhung ata ramhuaite pawh an chhuak thin a. (Tirhkohte 19:11-12)

17.                                                         DAWITHIAMNA , AIENNA LEH THLARAU BIAKNA :

Sual nasa tak a ni   –

* Pharoa dawithiamten thilmak an ti ve – Chutichuan Pharoa pawh chuan mi fingte leh dawithiamte chu a ko ve a: tin, anni, Aigupta rama mitlak dawithiamte pawh chuan chutiang bawkin an dawina chuan an han ti ve a. An tiang chu an han paih theuh va, rulah a chang theuh a ni : amaherawhchu Arona tiang chuan an tiangte chu a lem zo ta vek a. (Exodus 7:11-12)

* Dawithiamnu reng reng i zuah tur a ni lo. (Exodus 22:18)

* LALPAN anmahni pan a phal lo – Ramhuai aienthiam zawlte chu pan suh ula, dawithiamte pawh in bawlhhlawh phahna turin anni chu zawng chhuak suh u; Kei hi LALPA in Pathian chu ka ni. (Leviticus 19:31)

* Balaaman aienna man a la – Tichuan Moab upate leh Midia upate chu aien man tur kengin an chhuak ta a; Balaama hnen chu an va thleng a, Balaka thuchah chu an hrilh a. (Number 22:7)

* LALPA ngaiha tenawm – A fapa emaw, a fanu emaw meia kal tlangtir te, aien ching te, thumvawr chingte emaw, mitlakdawi hmang emaw te, dawithiam te, dawi at te, ramhuai zawl rawih te, dawithiam te, mitthi biak chingte in zingah an awm tur a ni lo. Heng thil ti mi apiangte hi LALPA ngaihin mi tenawm an ni si a : tin, heng thil tenawm a vang hian a ni, LALPA in Pathianin a hnawh chhuah sak che u hi. (Deuteronomy 18:10-12)

* Philistia mitten aien an ching – Tin, Philistia mite chuan, “LALPA bawm chu engtinnge kan tih ang? A awmna pangngaia kaltir lehnazia min hrilh the u khai,” tiin puithiamte leh aienthiamte an k ova. (1Samuela 6:2)

* Aien leh dawithiamna – Helna hi aienthiamna sual te nen a inang a, luhlulna hi milembiak leh Pathian lem biak tluk a ni. LALPA thu i duh loh avangin ani pawhin lal atan a duh ta bik lo che a ni,” a ti a. (1Samuela 15:23)

* Saulan ramhuai zawl aien thiam a rawn -   Ramhuai an zawl – Chutichuan Saula chuan a chhiahhlawhte hnenah chuan, “Ramhuai aienthiam zawl hmeichhia a hnena kala ka rawn turin min zawn sak rawh u,” a ti a. (1Samuela 28:7)

* Saulan ramhuai zawl aien thiam a rawn vangin a thi – Chutichuan Saula chuan LALPA thu a pawm duh lova, LALPA chunga a bawhchhiat avang leh LALPA chu rawn lova ramhuai zawl aienthiam aientira a rawn avangin a thi a ni : chuvang chuan a ni, a tihhlum a, ram pawh chu Jesaia fapa Davida chu a pek tak ni. (1 Chronicles 10:13-14)

* Nebukadnezara dawithiamten mumang an hrilhfiah thei lo – Tin,lal thilphut hi thil khirh tak a ni a, tisaa khawsa lo pathiante chauh lo chu entir theitur tumah an awm lo ve,” an ti a. (Daniela 2:11)

* Pathian ram an chang lovang - Tin, tisa thiltihte chu a lang fiah a ni ; chung chu heng hi a ni : inngaihnate, bawlhhlawhna te, hurna te, milem biakna te, dawithiamna te, huatna te, inhauna te, thik n ate, thinurna te, inkhinna te, awm hranna te,. Rin hranna te, itsikna te, zu ruihna te, zu hmun hlimna te, chutiangte chu ; chung kawngah chuan tun hma a, ‘ Chutiang thil tih hmangte chuan Pathian ram an chang lo vang,’ tia ka hrilhlawk che u ang khan ka hrilh lawk che u hi. (Galatia 5:19-21)

Dawithiamna tinreng aiin Pathian a ropui zawk

* Chutichuan Pharoa pawh chuan mi fingte leh dawithiamte chu a ko ve a, tin, anni, Aigupta rama mitlak dawithiamte pawh chuan chutiang bawkin an dawina chuan an han ti ve a. An tiang chu an han paih theuh va, rulah a chang theuh a ni; amaherawhchu Arona tiang chuan an tiangte chu a lem zo ta vek a. (Exodus 7:11-12)

* Tichuan, Aigupta ho thlarau chu an kawchhungah chuan engmah lova siamin a awm ang a ; an remruat chu ka ti chhia ang : tichuan, milemte leh, aikaihthiamte leh ramhuai aienthiam zawlte leh, dawithiamte chu an rawn ang. (Isaia 19:3)

* Tin, a hming Simona, mi pakhat a awm a ; ani chuan, ‘Mi lian ka ni,’ tiin hmanah chu mi khuaah chuan dawi hmangin Samari khuaa mite mak tit akin a siam thin a. Tin, Simona meuh pawhin a awih vet a a; tin, baptisma a chan zawhin Philipa hnenah a awm reng a, chhinchhiahna leh thilmak nasa tak tithe a hmu a, mak a ti hle mai thin a. (Tirhkohte 8:9,13)

* Dawihmang ten an lehkhabu an hal – Dawihmang a then tam tak pawhin an lehkhabute an rawn la khawm a, mi zawng zawng mithmuhah an halt a a, tin, a man an chhut a, cheng singnga niin an hria. (Tirhkohte 19:19)

* Thil tisualtu chu diabolaa chhuak a ni; diabola chuan atir ata thil a tisual si a. Pathian Fapa lo lan chhan ber chu diabola hnathawhte a tihboral theih nan a ni. (1Johana 3:8)